Bandýnefnd ÍSÍ

HM 2008 C deild

2006-12-06T08:40:00.000-08:00

Nýverið barst landsliðsnefndinni rafpóstur um HM 2008. Í stuttu máli er okkur boðið að taka þátt en til þess að það geti gengið verðum við að hafa hraðan á...

Fyrst af öllu viljum við að fólk gefi kost á sér til að taka þátt í mótinu, framboð er ekki bindandi... þó svo að það sé mjög mikilvægt að einhverjir geti gefið afdráttarlaust svar. Menn geta gefið kost á sér með því að hringja í annað hvort mig eða Gunna, eða með því að senda rafpóst á okkur (t.d bryngeir(hjá)hi.is).

Keppnisgjaldið er c.a 120000 krónur íslenskar og verðum við að greiða keppnisgjaldið fyrir 31. des 2006!

Við munum gera eins mikið og hægt er til að tryggja okkur styrki en það er viðbúið að leikmenn verði að greiða amk hluta keppnisgjaldsins. Þau vandamál sem fylgja flugi og gistingu verða afgreidd síðar.

Takk fyrir.
Bryngeir Arnar.

2006-10-08T10:52:00.000-07:00

Íslandsmeistaramótið - lokaorð!
Bandýnefndinni langar að þakka öllum sem tóku þátt á Íslandsmeistaramótinu sem fram fór í gær 7. október.
Okkur fannst mótið takast ótrúlega vel og liðin sem tóku þátt voru mjög sterk. Við vonum að einhverjir bjóði sig fram í mótsnefnd fyrir mótið á næsta ári til að skipulagningin geti orðið sem best svo að öll skipulagning og framkvæmd verði ekki á höndum svona fárra aðila eins og gerðist núna.
Það var gaman að sjá ný lið koma svona sterk inn í keppnina sem sýnir að það verður líklega enn meiri harka á næsta ári. Liðin verða því að vera dugleg að æfa sig fyrir næsta mót. Við hvetjum alla að fara að skrá liðið sitt formlega því samkvæmt reglum ÍSÍ þá mega aðeins þeir sem eru skráðir taka þátt á Íslandsmeistaramóti innan þess. Við leyfum okkur að líta framhjá þessari reglu á meðan íþróttin er að festa sig í sessi.

Verðlaunasætin voru:
1. sæti: Hamrarnir frá Akureyri
2. sæti: Bandýmannafélagið Viktor
3. sæti: Swingers

Dómaranámskeið

2006-09-30T14:52:00.000-07:00

Ágæta fólk sem sótti dómaranámskeiðið í Laugardalnum í fyrra,

eins og mörg ykkar vita verður Íslandsmótið í bandý haldið helgina 7. - 8. okt og kemur það í hlut einhverra okkar sem sóttum námskeiðið að dæma leikina á mótinu. Þar sem víst má telja að flest ykkar séu orðin ansi ryðguð í reglunum og dómarafræðum almennt efnir dómaranefnd bandýnefndar ÍSÍ til sérstaks dómarafundar fimmtudaginn 5. október. Fundurinn verður haldinn í sama sal og námskeiðið var í á sínum tíma og hefst kl. 18:00. Hann stendur í mesta lagi í þrjá tíma. Á fundinum verður farið yfir ýmsar reglur og túlkanir á þeim auk þess sem línur verða lagðar fyrir helgina. Aðeins þeim sem mæta verður leyft að dæma á mótinu nema sérstakar aðstæður komi til sem ræða þarf við dómaranefnd fyrir 5. okt.

Kveðja,
Tomasz H. Pajdak, formaður dómaranefndar

2006-09-17T06:55:00.000-07:00

ÍSLANDSMÓTIÐ Í BANDÝ 2006

Verður haldið laugardaginn 7.október í íþróttaakademíunni í Keflavík. Lágmark sex í liði, fimm útileikmenn og einn markmaður. Þetta er opið mót og liðin mega vera kynjablönduð.

Skráning í síma 6612910 (Róbert), fyrir 1. október. Senda tölvupóst á robert1981@simnet.is með staðfestingu og liðsskipan, láta fylgja með símanúmer hjá tengilið. Þátttökugjald á lið 10.000 kr. Leggja inn á reikning bandysambandsins: 0372-13-110199 Kt. 290981-3529. Taka skal fram hvaða lið er verið að borga fyrir.

Fréttir af landsliðsnefnd.

2006-06-17T17:31:00.000-07:00

Laugardaginn 17. Júni var Gunnar Gils Kristinsson tekinn inn í landsliðsnefndina, þá er aftur 3 í landsliðsnefndinni.

Nýlega fékk nefndin í hendur búninga landsliðsins, sem verða sýndir við fyrsta tækifæri.

Annars er mikið í bígerð og verður meira sagt frá því þegar fram líður.

Takk fyrir,

Árósamótið... frh.

2006-03-21T14:12:00.000-08:00

Robbi og H. eru vinsamlegast beðnir um að hafa samband við mig hið fyrsta - bryngeir(hjá)hi.is

Báðir eru meira en velkomnir í hópinn, en það er lítill tími til stefnu svo hafið hraðan á!

Takk fyrir,

Bryngeir Arnar.

Árósar mótið

2006-03-13T14:43:00.000-08:00

Við erum að skoða möguleikann á því að setja saman landslið til að taka þátt í helgarmóti í Danmörku. Til að koma með slæmu fréttirnar strax þá bendi ég á að mótið er á óhentugum tíma fyrir flest skólafólk. Þáttakendur fara út 11. maí og koma til baka 14. maí sem lendir væntanlega á próftöflum flestra skóla.

Kostnaður við mótið, utan flugs er:
1600 dkr. fyrir liðið
1000 dkr. trygging
300 dkr. á þátttakenda, innifalin gisting(fimmtudags til sunnudags), morgunmatur. Ekki nóg með það þá er boðið í kvöldmat og veislu laugardagskvöldið!!
ca. 560 dkr. fyrir lest fram og tilbaka frá Árósum á mann.

Þ.e. 860 dkr. + (2600/fjöldi leikmanna) dkr. á hvern leikmann + flug til Danmerkur.
Ætti semsagt að vera vel yfirstíganlegur kostnaður fyrir þá reynslu og skemmtun sem það er að fá að spila okkar ástkæru íþrótt fyrir hönd Íslands á erlendri grundu. Svo ekki sé nú tekinn fram sá heiður að komast í fyrsta bandýlandslið Íslands!

Stutt um mótið:
Mótið er haldið í Árósum og heitir Marselisborg Cup. Þetta er stærsta mót sinnar tegundar í Danmörku og taka ca 500 manns þátt frá Danmörku, Noregi og Svíþjóð.
Eins og fram hefur komið er komudagur 11. maí, leikið verður 12. og 13. maí auk þess sem veisla og hófleg drykkja verður 13. maí og svo lýkur gleðinni þann 14. maí þegar haldið verður heim til okkar ástkæra og ylhýra Íslands.
Mótskipulag:
Leikið er á 4 völlum, og leiktími hvers leiks er 2*15 mín.
Farið verður eftir opinberum reglum IFF, þær reglur má nálgast á ensku á vef Bandýnefndarinnar: bandynefnd.blogspot.com eða á www.floorball.org. Einnig gæti verið að þær náist á íslensku fyrir mótið, en það kemur í ljós. Nauðsynlegt er að ALLIR kunni reglunar, bæði þeir sem veljast til fararinnar og við hin sem fylgjum þeim í anda.

Mótstjórinn krefst þess að hvert lið innihaldi að minnsta kosti 10 manns auk markmanns, en fjöldi í liði er allt að 20 manns og því ætti að vera raunhæfur möguleiki fyrir nær alla sem áhuga hafa á að fara að komast með.

Þeir sem áhuga hafa og komast á þessum tíma eru vinsamlegast beðnir um að gefa sig fram við Bryngeir, hér eftir kallaður Bynni, formann landsliðsnefndar við fyrsta mögulega tækifæri. Og ef þörf er á einhverjum viðbótar upplýsingum má senda fyrirspurn á Bynna eða undirritaðann.
Bynna email: bryngeir(at)hi.is

Kær kveðja,
Oddgeir Guðmundsson
formaður Bandýnefndar ÍSÍ
email: oddgeir(at)hi.is
s: 691-0481

Helgarmót í Danmörku.

2006-02-24T08:21:00.000-08:00

Eins og flestir vita þá verður ekkert af HM draumnum þetta árið. Eftir að við komumst að þessu hafa aðilar innan landsliðsnefndarinnar verið að athuga málin og við höfum komist að þeirri niðurstöðu að vel væri hægt að taka þátt í helgarmóti í Danmörku í staðinn, mótið fer fram um miðjan maí og lágmarksfjöldi í liði er 10 manns. (Reyndar væri réttara að segja að meistari Árni hefði athugað málið og sýnt restinni fram á þetta).

Mín tillaga er sú að við reynum að senda eitt eða tvö lið til keppni á þetta mót, hvort sem það væru þá sameiginleg lið eða ekki.

Ég kem með nánari upplýsingar um málið eftir helgi.

Endilega komið með komment á þetta.

Bynni.

Reglur leiksins

2006-02-16T03:24:00.000-08:00

Hæbb,

ég er nú búinn að gera reglur leiksins aðgengilegar í gegnum þessa síðu, bæði er það hér til hægri og svo hér fyrir neðan. Þeir sem áhuga hafa á að taka þátt í því starfi að finna fleirri og jafnvel koma með tillögur að nýjum orðum í stað þeirra sem eru að finna frá dómaranefndinni skuli senda mér email með þeim orðum. Ætlunin er að senda þær í þýðingur í næstu viku.

Reglur leiksins.

Hvet alla til að lesa reglurnar þó svo að viðkomandi hafi ekki áhuga á að finna íslensk orð. Það hafa allir gott af því að vita hverjar reglurnar eru!

Kveðja,
Oddgeir

Dómaranefndar skýrsla

2006-02-01T07:00:00.000-08:00

Hæ,

hér kemur fundargerð frá dómaranefndinni\Tómasi.
Ég hvet alla til þess að lesa skýrslun og koma með fleirri eða endurbættar hugmyndir af orðum sem við viljum að notuð verða í íslensku reglubókin.

Fundir í des. og jan.

Kveðja,
Oddgeir

Landsliðsnefndarfundur

2006-01-18T11:31:00.000-08:00

Hér er fundargerðin frá landsliðsnefndinni, hvet alla til að lesa hana og senda þeim línu.

Fundur 15. jan

Kv,
Oddgeir

2006-01-06T05:17:00.000-08:00

Loksins loksins, hér kemur fundargerðin fyrir opna fundinn sem haldinn var 29. des 2005 og svo skýrsla frá mótsnefnd.

Fundur 29. des

Skýrsla mótsnefndar

Kv,
Oddgeir

Vettvangur Bandýnefndar ÍSÍ

2006-01-04T08:10:00.000-08:00

30. desember 2005 - 10:14
Já loksins er þetta komið einu skrefi lengra, hér eftir, vonandi, munum við notast við þessa síðu í stað Barbie til að koma upplýsingum á framfæri.

Þetta er kannski lítið skref en þó nóg til að slíta okkur aðeins frá almenna Smára spjallinu.

Það sem við ætlum að reyna birta hér er ýmislegt sem þurfa þykir og væntanlega einhverjar fundargerðir eins og frá fundinum í gær.

Kveðja í bili,
Oddgeir